Einigheit i meklinga i privat helse og omsorg

– Dette resultatet krympar avstanden til minstelønna i kommunane og sjukehusa på dei fleste ansiennitetstrinna. Det betyr mykje for medlemmene våre, seier Marit Solheim.

Sist oppdatert:

Publisert:

Auka minstelønnssatsar sikrar at tilsette i desse private verksemdene følgjer utviklinga innanfor resten av helse- og omsorgssektoren.

Laurdag morgon 11. januar vart det semje i meklinga for privat helse og omsorg i NHO.

- Lønnsnivåa på avtalen er heva, og vi har sikra eit generelt tillegg tilsvarande det som er gitt i frontfaget, seier Deltas forhandlingsleiar Marit Solheim, første nestleiar i Delta.

Last ned protokoll og møtebok: Protokoll 536 Geneo Delta 11. januar 2025 (pdf)

Enighet avtale 596 foto Sveiunung Berger.png — Einghet etter sju timers mekling på overtid. (Foto: Sveinung Berger)

Resultatet i korte trekk

Generelt tillegg på kr 7,- pr time (kr 13 650 pr år) pr. 1.5.2024. Det generelle tillegget er inkludert i heving av minstelønnssatsane.
Minstelønnssatsane aukar med mellom 31.175 kroner og 50. 975 kroner i året med virkning fra 1. mai 2024.
Auka ulempetillegg på minimum 70,- kroner pr. time fra 01.03.2025, slik at dei no er på nivå med offentleg sektor.

Dette var viktige krav for Deltas medlemmer.

Dette er tillegga

Minstelønnssatsar med virkning frå 01.05.2024 er som følgjer:

Økning minstelønn per 1.5.2024	0 år	2 år	4 år	6 år	8 år	10 år	16 år
A: Uten særskilt krav til utdanning	42 875	40 875	33 675	33 675	31 575	30 275	43 875
B: Krav om fagbrev eller tilsvarende	43 875	40 875	31 375	31 375	32 275	30 975	38 875
C: Stilling med krav om utdanning som vernepleier, fysioterapeut, ergoterapeut, ernæringsfysiolog og sykepleier	47 375	43 875	35 100	35 100	35 100	35 275	47 375
D: C med krav om relevant videreutdanning	44 775	42 875	35 100	40 600	50 975	42 375	49 375
E: C med krav om relevant master	45 375	42 875	39 700	37 600	50 975	41 975	49 375
Minstelønn per 1.5.2024	0 år	2 år	4 år	6 år	8 år	10 år	16 år
A: Uten særskilt krav til utdanning	377 500	380 500	382 500	385 500	391 500	436 500	468 500
B: Krav om fagbrev eller tilsvarende	428 500	430 500	435 000	439 000	447 500	494 000	506 500
C: Stilling med krav om utdanning som vernepleier, fysioterapeut, ergoterapeut, ernæringsfysiolog og sykepleier	501 400	503 900	508 725	519 125	529 125	579 900	600 000
D: C med krav om relevant videreutdanning	540 400	542 900	549 725	560 625	581 000	610 000	630 000
E: C med krav om relevant master	570.400	572.900	579.725	587.625	611.000	643.000	674.000

Lokale forhandlingar står att

No står dei lokale forhandlingane att. Der skal det forhandlast om ytterlegare tillegg.

- Vi forventar at arbeidsgjevar på kvar enkelt arbeidsplass bidreg til å sikre ei lønnsutvikling som er i tråd med arbeidslivet elles, seier Marit Solheim.

Dei sentrale partane kjem i årets oppgjer til å legge spesiell vekt på å følgje opp dei lokale forhandlingane. Det er avtalt at Deltas tillitsvalde skal senda protokollane frå dei lokale forhandlingane til Delta. Det skal bidra til eit felles kunnskapsgrunnlag mellom dei sentrale partane.

Ein del av den offentlege velferda

Virksomhetene på denne avtalen driv velferdstenester på vegner av det offentlege. Konkurranseutsetting skal ikkje gå ut over lønna til dei tilsette.

- Dette resultatet tek oss i retning lik lønn for likeverdige arbeidsoppgåver, seier Solheim.

Takk til dykk som var i streikeberedskap

Delta hadde varsla streik for medlemmer ved VIGØR rehabiliteringssjukehus.

- Takk til dykk som stod i beredskap. Det er krevjande å førebu seg på streik, men dette viser at gode førebuingar gir makt bak kravet og det gir resultat. Vi skal halde fram med å jobbe hardt for å nå lønnsmåla i avtalen, understrekar Marit Solheim.

Er du ikkje medlem i Delta?

Bli med og få alle fordelane du også.

Signering av protokoll avtale 596 foto Siv M Bjelland.png — Lang og krevjande mekling førte til einigheit om ny tariffavtale. (Foto: Siv M. Bjelland)

Har du spørsmål?

Delta Direkte er eit tilbod til deg som er medlem eller tillitsvald i Delta. Rådgivarane våre er klare til å hjelpe deg måndag til fredag kl. 08–20.