YS og NHO vart samde etter å ha sete i mekling sidan måndag formiddag. Den økonomiske ramma på oppgjeret er på 4,4 prosent. Dette er frontfagsramma, som også er norm for seinare lønnsoppgjer i andre sektorar.

LAST NED: Protokoll (pdf)

Ettersom årets oppgjer er eit såkalla mellomoppgjer er det berre forhandla om lønn. 

Resultatet inneber mellom anna eit generelt tillegg på 9 750 kroner i året (5 kr timen) og eit låglønnstillegg på 3 900 kroner i året (2 kr timen).

Tillegga vert gitt med verknad fra 1. april 2025.

Nå er det dei lokale partane sin tur. Dei skal forhandle om lokale tillegg ut frå verksemdenes økonomi, produktivitet, framtidsutsikter og konkurranseevne.

Teksten fortsetter under bildet

Sikra auka kjøpekraft

- Vi lever i ei svært turbulent tid med stor uvisse, ikkje minst om norsk økonomi og prisveksten. Dette oppgjeret vil sikra auka kjøpekraft om prisveksten ikkje løper løpsk, samtidig som norske bedrifter kan bera kostnadene, seier YS-leiar Hans-Erik Skjæggerud.

Dei siste åra har lønnsdelen i industrien gått ned. Det betyr at utgiftene til lønn har gått ned samanlikna med dei andre kostnadene for bedriftene, og dermed har arbeidstakarane fått ein mindre del av overskotet.

- Det er dei tilsette som skaper verdiane i norsk næringsliv. Derfor er det sjølvsagt for oss at lønnsandelane skal opp slik at arbeidstakarane får sin rettferdige del av overskota. Dette oppgjeret bidreg til det, seier Solheim.

Lokale tillegg

Eitt anna stridstema i forhandlingane i år har vore balansen mellom generelle og lokale tillegg. NHO har ønskt at dei lokale tillegga skal vera høgare, medan YS kjempar for høgare sentrale tillegg for å sikra at lønnsauken er rettferdig fordelt på alle.

- Balansen mellom generelle tillegg og lokale forhandlingar er akseptable. Vi skulle ønskt dei sentrale tillegga var høgare for det skaper ei betre fordeling og hindrar at store grupper ikkje får den lønnsauken dei fortener. Samtidig ser vi argumenta frå motparten og vi meiner vi har funne ein god balanse mellom sentrale og lokale lønnstillegg, seier Solheim. Ho ønsker dei tillitsvalde lykke til i dei viktige lokale forhandlingane.

Låglønnstillegg

Låglønnstillegg har også vore ei viktig sak for YS i år ettersom det er dei med dei lågaste inntektene som blir ramma ekstra hardt i ei dyrtid.

- Vi er fornøgde med at det er oppnådd semje om kravet om å sikra dei lågtlønte eit ekstra tillegg. YS har fleire medlemsgrupper i bransjar som ligg godt under 90 prosent av gjennomsnittleg industriarbeidarlønn, derfor var dette ei viktig kampsak for oss, avsluttar Skjæggerud.

Desse er omfatta

Resultatet omfattar om lag 30 000 medlemmer frå YS-forbunda Parat, SAFE, Negotia, Yrkestrafikkforbundet og Delta.